Wednesday, August 14, 2013

ಪ್ರಣಯ ಕಾಲ


ಕನ್ನಡಿಯ ಮುಂದೆ

ನಿಂತು ಸಿಂಗರಿಸುವಾಗ

ಅವನ

ನೆನಪು ಕಾಡುತ್ತೆ



ನನ್ನ ಬೆರಳುಗಳನ್ನು

ಮೆಲ್ಲನೆ ಹಿಚುಕಿ

ಕಾಲುಗಳ ಸೌಂದರ್ಯ ವರ್ಣಿಸುತ್ತಾ

ಪಿಸುಗುಡುವಂತೆ ಕಿವಿ ಪಕ್ಕ ಬಂದು

ಕೆನ್ನೆಗೆ ಮುತ್ತಿಟ್ಟ

ಆ ಕ್ಷಣಗಳು...



ಹುಡುಗ ಹುಡುಗಿಯೆಂಬ

ಜೀವಶಾಸ್ತ್ರದ ಸಿದ್ಧಾಂತವೂ

ಈಸ್ಟ್ರೋಜನ್ನೂ ಪ್ರೊಜೆಸ್ಟ್ರಾನ್‌ಗಳು

ನನ್ನಲ್ಲಿ ಜಾಗೃತವಾದಾಗ

ಆಂಡ್ರಾಜನ್‌ನ ಏರಿಳಿತ

ಅವನಲ್ಲಿ...



+ve -ve

ಧ್ರುವಗಳು ಆಕರ್ಷಿಸುತ್ತವೆ

ಎಂಬ ರಸಾಯನ ಶಾಸ್ತ್ರವೂ

ಮೈನೆಸ್ ಮೈನೆಸ್ ಪ್ಲಸ್ ಆಗುವ

ಗಣಿತವೂ ನಮ್ಮೊಡಲಲ್ಲಿ

ಸಮೀಕರಣಗೊಂಡಾಗ



XX, XY

ಕ್ರೋಮೋಸೋಮ್‌ಗಳ

ಬಯಾಲಜಿಯೂ, ಕೆಮೆಸ್ಟ್ರಿಯೂ

ಸೇರಿ ಕೂಡಿ ಕಳೆದು

ಗುಣಿಸಿ, ಭಾಗಿಸಿ ಸಿಕ್ಕ

ಲೆಕ್ಕಚಾರದ ಕನಸುಗಳು



ಹೃದಯವೆಂಬುದು ಬರೀ

ಅಂಗವೆಂದುಕೊಂಡಿದ್ದನೇ ಅವನು?

ಪ್ರಾಕ್ಟಿಕಲ್ ಮನುಷ್ಯ!



ಪ್ರೀತಿ ಹುಟ್ಟುವುದು ಕಣ್ಣಿಂದ

ಎಂದು ಅಂದುಕೊಂಡಿದ್ದ

ಶತ ದಡ್ಡಿ ನಾನು



ಕಣ್ಣು ಮುಚ್ಚಿ ಕುಳಿತರೆ

ಮನುಷ್ಯ-ಮನುಷ್ಯನ

ನಡುವಿನ ಅಂತರವನ್ನು ನೆನೆದು

ನಗು ಬರುತ್ತದೆ...

ಪ್ರೀತಿ ಹುಟ್ಟುವುದು ಕಣ್ಣಿನಿಂದಲೇ?



ನಾನು ಕಣ್ಣು ಮುಚ್ಚಿದ್ದೇನೆ...

5 comments:

ISHWARA BHAT said...

ಚೆನ್ನಾಗಿದೆ. ಪ್ರೀತಿಯನ್ನು ಅನುಭವಿಸುತ್ತಾ ಕಣ್ಣು ಮುಚ್ಚಿದ್ದಲ್ಲವೇನು?

ಅನುರಾಗ said...

@ISHWARA BHAT
:) thanks

ಮನಸು said...

ತುಂಬಾ ಚೆನ್ನಾಗಿವೆ ಪ್ರೀತಿಯ ಸಂಕೇತ... ಇಷ್ಟವಾಯಿತು ನಿಮ್ಮ ಸಾಲುಗಳು ರಶು...
ವಂದನೆಗಳು
ಸುಗುಣ ಮಹೇಶ್

hasiru nadige said...

nice, science which is part of from adyatma . kayvadalli vijna turuki thilusuva nimma kale very very nice

ಅನುರಾಗ said...

thanks to all