ನೀನು ನನ್ನವನು...

ನನ್ನ
ಸ್ವಪ್ನಲೋಕದ ಸುಪ್ತ ಕನಸುಗಳ
ಸರಮಾಲೆ ನಿನ್ನನಾವರಿಸಿರಲು
ನಿನ್ನ
ಬೆಚ್ಚನೆಯ ನೆನಪುಗಳು
ಮತ್ತೊಮ್ಮೆ ಕೆಣಕುತಿರಲು
ಇನಿಯಾ ಇನ್ನೇಕೆ ತಡ?
ಬಂದು ಬಿಡು ಈ ಹೃದಯದಲಿ
ಪ್ರೀತಿ ಬಾಗಿಲು ಇದೋ
ನಿನಗಾಗಿ ತೆರೆದಿಡುವೆ...

ಮಂದ ಮಾರುತವೀಗ
ಪ್ರಣಯರಾಗವ ನುಡಿಸಿರಲು
ಸುಮಲತೆಯ ನಡುವೆ
ದುಂಬಿಗಳ ಚುಂಬನದಿ
ಬಿಸಿಯಪ್ಪುಗೆಯ ಸುಖ ನೀಡುವಿಯಂತೆ
ಪ್ರೀತಿ ಲೋಕದ ಹಾದಿಯಲಿ ಇದೋ
ನಿನಗಾಗಿ ಕಾದಿರುವೆ...

ನಿನ್ನ ನಗೆಯಲ್ಲಿ ಲೋಕ ಮರೆಯುವೆನಾಗ
ನಿನ್ನ ತೋಳಬಂಧನದಲ್ಲಿ
ಒಮ್ಮೆ ಬಂಧಿಯಾಗುವ ಆಸೆ
ನಿನ್ನ ಕೈ ಹಿಡಿದು ಮಳೆ ನೆನೆಯುವಾ ಬಯಕೆ
ಎಂದೆಂದೂ ನೀ ನನ್ನವನಾಗಿ ಬಿಡು
ನೀನು ನನ್ನವನು, ನನ್ನವನು ಮಾತ್ರ
ನಾನೆಂದು ನಿನ್ನ ಪ್ರೀತಿಯಾಗಿರುವೆ.

Comments

ಮಂಜು said…
"ನಿನ್ನ ಕೈ ಹಿಡಿದು ಮಳೆ ನೆನೆಯುವಾ ಬಯಕೆ
ಎಂದೆಂದೂ ನೀ ನನ್ನವನಾಗಿ ಬಿಡು
ನೀನು ನನ್ನವನು, ನನ್ನವನು ಮಾತ್ರ"

Wah.. Tumba chennagide Rashmi. Hige baritayiri
thanks for encouraging me..Manju

Popular posts from this blog

ಬಸ್ ಪಯಣದ ಸುಖ

ಕಾಡುವ ನೆನಪುಗಳಿಗೂ ಇದೆ ಘಮ

ನಾನೆಂಬ ಸ್ತ್ರೀ